Endugirro Yoruganda Rwabacwezi
Oruganda rwabacwezi ruli rumu hanganda enyingi ezirukusangwa munsi enu eyobukama bwa Kitara.
Oruganda rwabacwezi ruli rumu hanganda enyingi ezirukusangwa munsi enu eyobukama bwa Kitara.
Oruganda nikyo ekitebe rundi ekikoro kyabaana aboojo hamu n’abaisiki abazairwe omusaija omu okuruga hamukazi omu rundi habakazi abaingi. Abaana banu bakomamu ekintu kimu gamba nka; Omuti, ekinyansi, ekinyonyi, ekisoro, Ibara lyaisebo, n’ebindi kuba kokuroraho kaabomuruganda oru. Eg.omutibito-Ababito, etc.
Oruganda rw’abacwezi rukatandikira hali omusaija Isimbwa mutabani w’omukama Waraga Isaza ekikubyokye Rugambanabato owakaba ali mukama w’Obukama bwa Kitara. Nyina Isimbwa ibaralye Nyamata muhara w’omukama Nyamiyonga Obukama obwasangwaga mumatemba gensi ya Afrika nambere hali abantu abarukwera omubiri nkabajungu.
Isimbwa ayatandikisize oruganda rw’Abacwezi akazara abaana baingi amabara nganu;-Kyomya,ndahura,mugarra,mulindwa,Ibona,Kange,Mugenyi,Byanyambwe,nabandi.Ekitebe kyabo ekikuru kikaba kiri Bugangaizi habarugire nibeegalihya omubukama bwoona obwa kitara. Bakazara bakanya ruganda rwayengera. Abacwezi nobasanga mumahanga ganu. Bunyoro,Tooro,Ankole,Karagwe-Tanazania,Mboga-Congo,Rwanda,Buganda nahandi.
Abantu banu bakakomamu akokurorraho kaabo kuba kwezi.Omukasumi ako kwezi kyayaturwaga Cwezi omurulimi orunyakitara.Nahabweki,oruganda rwayetwa “Cwezi”.
Ndahura mutabani wa Isimbwa kandi mwijukuru womukama Waraga Isaza akazarwa omukazi ibara lye Nyina Mwiru oworuganda Rwabaranzi. Nyinamwiru muhara wabukuku akaba ali rwigi ya mucwa mbomukama Waraga Isaza.
Bukuku akaba naruga mwisaza lya Bwiru (BUDO) masaka nambere abaantu barukuruga mwisaza lya Bwiru bayetwaga Abairu.
Ndahura nuwe yatiire engoma yaisenkuru Waraga Isaza nafoka Mukama wokubanza muruganda rwabacwezi
Wamara obu yarugire habukama akeeta abaana ba isento ababiito batabani ba Kyomya, Kyomya ya Isimbwa, Kugaruka habukama.
Ebyafayo Byoruganda Rwabacwezi – PDF Download